Wia dis foto come from, Getty Images
22 minutes wey don pass
This year, Thanksgiving go dey celebrated across di United States on 28 November.
Thanksgiving na occasion wey dey see families gada togeda to give thanks for di good tins in dia lives and also marks di beginning of di Christmas season.
Tables go dey filled wit traditional food such as pumpkin pie, cornbread and cranberry sauce.
A record-breaking number of Americans bin expected to travel dis week for di Thanksgiving holiday.
Di Transportation Security Administration bin expect to screen more dan 2.9 million pipo on Wednesday alone throughout US airports, creating long queues and wait times to get through security.
Severe weather threatens to disrupt some travel, wit an Arctic blast hitting di Midwest and wet weather for di Eastern US.
How Thanksgiving take start
According to tradition, di holiday commemorate a time for 1621, wen colonists from England bin allegedly share a feast wit di Wampanoag Native Americans, wey bin help dem survive dia first winter for North America.
Later, US Presidents including George Washington, John Adams, and James Madison call for days of thanks throughout dia presidencies.
But na 1863, during di Civil War, President Abraham Lincoln declare say a national Thanksgiving Day go dey celebrated each November all ova di kontri.
Why are Americans celebrating it and what are they doing?
Although Thanksgiving fit originally don get religious significance, di day don become a mostly secular holiday.
Most Americans consider di holiday a day to gada and express dia thanks through food, family, and football – wit multiple NFL teams playing on di holiday.
During some Thanksgiving celebrations, pipo dey write down wetin dem dey thankful for and den read aloud from di pieces of paper.
Dem dey also celebrate di day wit di annual Macy’s Thanksgiving Day Parade for New York City.
Di world largest Thanksgiving parade include giant balloons of cartoons wey go float above di city sky, as well as marching bands and dancers.
Afta Thanksgiving, di month-long shopping for di winter holidays go start, wit Black Friday kicking off di season.
